ភ្នំពេញ៖ ព្រះមហាក្សត្រ បានត្រាស់បង្គាប់ផ្ដល់គោរមងារតែងតាំង អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ ទេសរដ្ឋមន្ត្រី គន់ គីម ជា «កិត្តិសង្គហបណ្ឌិត»។
ការផ្ដល់គោរម្យងារត្រូវបានធ្វើឡើងតាមព្រះរាជក្រឹត្យ ស្ដីពីការផ្ដល់គោរមងារកិត្តិយស នៃរាជបណ្ឌិត្យសភាកម្ពុជា ចុះថ្ងៃទី២៩ ខែតុលា ឆ្នាំ២០២២ និងបានឡាយព្រះហស្ថលេខាដោយព្រះមហាក្សត្រ ព្រះបាទនរោត្តម សីហមុនី។ ជាមួយគ្នានេះ ព្រះអង្គបានត្រាស់បង្គាប់ដល់ នាយករដ្ឋមន្ត្រី សម្ដេចតេជោ ហ៊ុនសែន ត្រូវទទួលបន្ទុក អនុវត្តព្រះរាជក្រឹត្យនេះ ចាប់ពីថ្ងៃឡាយព្រះហស្ថលេខាតទៅ។
បច្ចុប្បន្នមានមនុស្ស ២នាក់រួចហើយដែលទទួលបានងារនេះគឺរដ្ឋមន្ត្រីក្រសួងទំនាក់ទំនងរដ្ឋសភា-ព្រឹទ្ធិសភា លោកស្រីកិត្តិសង្គហបណ្ឌិត ម៉ែន សំអន និងអនុប្រធានទី២ នៃរដ្ឋសភា លោកស្រីកិត្តិសង្គហបណ្ឌិត ឃួន សុដារី៕